RIBEIRA> Os veciños de Palmeira están convocados a unha xuntanza esta noite na casa do Mar para abordar a situación provocada polo baixa do médico da localidade. Acusan ó Partido Popular de mentir dando unha versión no concello e facendo o contrario no Parlamento.
Manipulados. Así se senten os veciños de Palmeira que a pasada semana asistiron ó debate da proposta presentada polo BNG no Parlamento na que, entre outros puntos, demandaban a cobertura da baixa do médico da localidade a tempo completo.
Á espera de achegar posturas na xuntanza prevista co concello, os veciños buscan a implicación co tecido asociativo de toda a localidade polo que esta noite manterán unha xuntanza para promover accións conxuntas de cara a contar con asistencia médica tódolos día e non só unhas horas á semana.
A mobilización partirá ás oito e media dende o centro de saúde de Ribeira