RIBEIRA> A alianza entre AMICOS e a empresa Cobre San Rafael permitirá seguir poñendo en valor os espazos naturais a través das ecobrigadas. 35 persoas con discapacidade integran estes equipos de conservación medioambiental.
35 persoas integran as ecobrigadas de AMICOS que traballan en espazos de gran valor medioambiental para a súa conservación. Este proxecto que mestura economía social e ambiental, vén de sumar un novo patrocinador coa incorporación de Cobre San Rafael.
Esta mañá presentaban o acordo no marco incomparable do miradoiro da Pedra da Rá xunto con representantes do concello de Ribeira.
Dende AMICOS resaltaron o importante labor que levan a cabo os brigadistas, máis agora en época de risco de incendios, contribuíndo a manter o monte limpo e coidado.
