PORTO DO SON> A secretaria xeral do PPdeG, Paula Prado, acompañada pola vicesecretaria territorial do PP da provincia da Coruña, Rosa Quintana, visitou a zona portuaria de Porto do Son antes de participar na constitución da Comisión de Mar, un órgano co que os populares pretenden poñer en valor o sector pesqueiro galego, que seguirá a ser un dos seus principais eixes do seu programa.
Precisamente un dos temas abordados nesa primeira xuntanza da Comisión foi a problemática da xestión do dominio público-marítimo terrestre.
Para os populares resulta prioritario que o Goberno Central remate coas súas escusas e dea por fin o paso para que a costa galega deixe de estar xestionada desde un despacho de Madrid.
A Comisión de Mar está presidida polo coordinador desta área, Antonio Basanta, e dela son membros tamén o eurodeputado Francisco Millán Mon, a deputada autonómica Teresa Egerique, o deputado nacional Joaquín García Díez.
