RIBEIRA> Co fin de dar a coñecer se cabe, aínda máis, dous dos espazos máis visitados do municipio, a concellería de Turismo que dirixe Ramón Doval vai organizar durante os meses de agosto e setembro visitas guiadas gratuítas ó parque periurbano de San Roque a ó entorno do miradoiro de Pedra da Rá e Castro da Cidá.
As visitas ó parque de San Roque, terán lugar tódolos martes de 11 a 12:30, e as da Pedra da Rá e Castro da Cidá, desenvolveranse os venres a esa mesma hora.
Para máis información e reservas cómpre contactar coa oficina de Turismo do Malecón, no teléfono 981 87 30 07 e no enderezo electrónico, oficinaturismo@ribeira.gal.
