PORTO DO SON> Durante tres días, venres, sábado e domingo ás rúas do casco antigo de Porto do Son convertéronse nun antigo poboado castrexo. E fixérono cun gran éxito de participación.
Miles de persoas achegáronse ata a localidade para desfrutar das moitas actividades programadas no marco desta feira que co paso dos anos está a adquirir un maior protagonismo.
Ademais dos postos instalados no mercado celta, na praza de España e nas rúas próximas, houbo diversos talleres, actividades de animación e exhibicións.
Algúns dos máis atractivos tiñan lugar pola noite, da man do grupo Troula Animación que fixo novamente as delicias de tódolos asistentes.
