BOIRO> O alcalde, José Ramón Romero, e a edil de Deportes, Dores Torrado, presentáronlle á directiva do Club Piragüismo Rías Baixas o proxecto que se pretende executar e que o Concello xa sacou a licitación por un importe duns 65 mil euros, con cargo POS 2022 da Deputación da Coruña.
A reforma a realizar ten coma principal finalidade a ampliación da nave que o Club de Piragüismo Rias Baixas emprega para gardar as piraguas a carón do edificio das Colonias, en Praia Xardín
A intención do Concello é ir completando por fases o entorno do edificio das Colonias, para darlle un uso deportivo.
Dende o Club agradeceron esta actuación que permitirá mellorar a actual capacidade de almacenaxe na nave.
As previsións do Concello é de que a obra poida comezar a executarse xa no último trimestre do ano, despois da súa adxudicación, para así poder facer uso dela coa maior celeridade posible.