RIBEIRA> O concello de Ribeira e o Club Natutral Sport asinaron un convenio para dotar de equipamento ó módulo de deportes de contacto da Fieteira. A entidade deportiva asumirá o 70 por cento do investimento mentres que o concello achegará 36 mil euros para financiar parte do material.
O novo módulo cuberto da Fieteira dispón de, ademais dunha zona de atletismo, dunha sala de deportes de combate qua carece aínda de parte do equipamento. Co obxectivo de dotar as instalacións do material necesario para o adestramento dos distintos equipos o Club de Taekwondo Natural Sport e o concello de Ribeira veñen de asinar un convenio por valor de 112 mil euros. O acordo contempla tamén o equipamento dos vestiarios.
A entidade deportiva achegará 76 mil que se verán complementados coa partida do concello co fin de contar cunhas instalacións optimizadas para mellorar os adestramentos dos deportistas de alto rendemento, moitos deles con proxección nacional e mesmo internacional.
