BOIRO> Esta mañá presentábase no Concello a quinta edición da Travesía a Nado Illa da Bensa. A actividade, organizada polo Club Natación Boiro, terá lugar este sábado 20 de agosto, na praia de Carragueiros.
A proba, que contará con varios percorridos dependendo da categoría, iniciarase ás once da mañá.
Dende o Concello destacaron a importancia desta travesía, que chega este ano xa a súa quinta edición, e o traballo que realiza o Club.
A proba conta co patrocinio de varias empresas e casa comerciais da localidade, como é o caso de Clínica Dental Rebeca Ozores e Jealsa, que co seu apoio fan posible que poida realizarse.
