PONTEVEDRA> Mavi, a Maleta Viaxeira da Subdelegación do Goberno de Pontevedra, non ten parada. Hoxe marchou cara o concello de Covelo, para levar aos veciños a súa lectura relacionada co feminismo, a igualdade ou a violencia machista. A iniciativa é un éxito: actualmente hai 19 administracións e asociacións agardando a súa visita. Tanto é así que dende a Subdelegación pretenden sumar máis maletas ao proxecto.
A Subdelegación do Goberno en Pontevedra fará crecer un dos seus proxectos. Mavi, a Maleta Viaxeira que leva por concellos e asociacións un catálogo de libros de temática feminista, sobre a igualdade ou sobre a violencia machista, deixará de ser un exemplar único.
A día de hoxe son 19 as asociacións e administracións que agardan pola visita de Mavi.
Non só haberá máis maletas. Tamén se ampliará o catálogo de libros. Buscando ademais obras de escritoras locais e menos coñecidas, contactando cos Centros de Información á Muller.
Hoxe Mavi marchou para o concello de Covelo. Será a súa terceira parada.
Antes xa pasou polo concello de Mondariz e polo centro penitenciario da Lama.
