PONTEVEDRA> Pontevedra prepárase para volver converterse nunha das capitais mundiais do deporte. Desta volta, da loita. Entre o 10 e o 23 de outubro a cidade acollerá os campionatos do mundo de Grappling Ji, Grappling sub 17, sub 20 e absoluto e do mundial sub 23 de loitas olímpicas. Calcúlase que a cita traerá ata Pontevedra a preto 1.100 deportistas de 80 países.
Pontevedra prepárase para converterse no mes de outubro na capital mundial do deporte da loita. A cidade acollerá ata tres citas relacionadas con esta disciplina: entre o 10 e o 13, será o mundial absoluto de Grappling Ji; os campionatos de Grappling sub17, sub 20 e absoluto serán os días 14 e 15. Finalmente, do 17 ao 23 celebrarase o mundial sub23 de oitas olímpicas.
O Pavillón Municipal será o escenario escollido. Ademais instalaranse tres carpas detrás do edificio para os adestramentos e quecementos dos deportistas. Tamén se empregará o Recinto Feiral: alí os loitadores realizarán as pesaxes e xantarán. Participarán uns 1.100 loitadores de 80 países.
Non haberá representación rusa nin bielorrusa na cita. A invasión de Rusia en Ucraína levou á United World Wrestling a vetar a súa participación. Ausencia que favorece aos deportistas españois.
Dende as federacións aseguran que tanto Galicia como España son unha potencia no Grappling.
