RIBEIRA> O BNG da Barbanza faise eco novamente das queixas da veciñanza da comarca referidas ós constantes atrasos dos horarios de autobuses, a falla de espazo no transporte escolar ou os problemas que ten a mocidade coa tarxeta Xente Nova.
Os deputados Rosana Pérez e Paulo Ríos, acompañados dos voceiros municipais en Ribeira, Boiro e a Pobra, reclamáronlle á Xunta unha solución inmediata a todos estes problemas, poñendo o branco das súas críticas na empresa concesionaria do servizo, que actúa con total impunidade.
Ante esta situación, anunciaron que se estudarán novas accións, entre elas unha nova iniciativa no Parlamento para tratar de darlle unha solución satisfactoria de xeito urxente e inmediato.
