RIANXO> A última hora da tarde d eonte producíase un accidente entre un motocultor e un turismo na estrada AC-305, ó seu paso polo Araño, no concello de Rianxo.
No sinistro resultou ferido o condutor do tractor, de 74 anos, veciño do lugar, que necesitou asistencia médica, polo que foi evacuado ó Hospital Clínico de Santiago.
Ademais do persoal sanitario, ata o lugar desprazáronse tamén axentes da Garda Civil de Tráfico, Bombeiros de Boiro e voluntarios de Protección Civil.
Tamén foi necesaria a intervención do equipo de limpeza e mantemento da Axencia Galega de Infraestruturas que se encargou, unha vez retirados os vehículos, da limpeza da vía.
