Vinte alumnos de Lousame, Outes en Noia formaranse en silvicultura

LOUSAME> Vinte alumnos iniciaron esta mañá a súa formación no marco do obradoiro de emprego conxunto entre os concellos de Lousame, Outes e Noia. Non foron os únicos posto que a Xunta financia un total de cinco obradoiros nas comarcas do Barbanza e Muros Noia cun investimento de 2’3 millóns de euros.

O delegado territorial da Xunta na Coruña, Gonzalo Trenor, inaugurou xunto cos tres alcaldes o obradoiro conxunto entre Lousame, Outes e Noia. Durante doce meses, vinte alumnos recibirán formación teórica e práctica no módulo de silvicultura e roza, unha especialidade con gran demanda na contorna.

Ademais da adquisición de coñecementos especializados que permitirán a obtención dun certificado de formación con validez en todo o territorio nacional, os alumnos terán ocasión de realizar prácticas en empresas.

Este obradoiro súmase ós outros catro que a Consellería de Economía e Emprego desenvolverá nas comarcas do Barbanza en Muros Noia. 95 alumnos beneficiaranse destas iniciativas que supoñen un investimento de 2’3 millóns de euros.