RIBEIRA> Ribeira acolle este vindeiro sábado a primeira edición do Torneo Solidario de Baloncesto Banco Mediolanum-Cidade de Ribeira para categoría infantil. Todo o recadado no torneo, organizado polo Club Baloncesto Barbanza, irá en beneficio da asociación TDH Salnés.
Un total de oito equipos de categoría infantil pertencentes ás comarcas do Barbanza, Santiago e Salnés tomarán parte este vindeiro sábado no pavillón Torres Colomer de Palmeira na primeira edición Torneo Solidario de Baloncesto Banco Mediolanum-Cidade de Ribeira. A cita presentada esta mañá terá un fin benéfico, xa que todo o recadado irá a parar á Asociación TDH Salnés.
Dende a Asociación TDH Salnés fan un chamamento a asistir ese día ó Torneo, co fin de recadar a maior cantidade de fondos posible para a entidade.
O torneo conta coa colaboración de varias empresas da zona, así como tamén do Banco Mediolanum que decidiu incluilo na súa Semana Solidaria a través da Fundación, o que implicará que o Banco duplicará entre dous mil e cinco mil euros a recadación obtida no evento.
Ola, gustaríame preguntarvos si Riveira en galego, se escribe con v ou con b. Graciñas.
Ribeira:
– Franxa de terra que está ao lado dun río, dun lago ou do mar.
“Nesta ribeira do río hai unha praia fluvial.”
sinónimos: beira, marxe
– Zona de terra que está próxima e dá cara ao mar ou cara ao río.
“Pola ribeira hai vilas e aldeas mariñeiras.”
Parecido a: beiramar, costa, litoral, mariña ..
“Vive nun lugar da ribeira do Miño”
https://academia.gal/dicionario/-/termo/ribeira