RIBEIRA> Ribeira acolle esta fin de semana o Campionato internacional de taekwondo Cidade de Ribeira. A cita, que reunirá a máis de 300 deportistas, acada xa a súa vixésimo primeira edición.
Máis de 300 taekwondistas dun total de 39 clubs pasarán esta fin de semana polo complexo polideportivo da Fieteira para participar no Campionato internacional Cidade de Ribeira.
Dende o concello quixeron agradecer o labor do Club Natural Sport na organización dun evento de tal envergadura e na promoción do taekwondo, un dos deportes con máis seguidores na comarca.
A este respecto, dende o club xa teñen constancia do importante número de reservas nos aloxamentos de toda Ribeira o que dá idea do gran número de visitantes que atrae ata a vila esta cita deportiva.
