CAMBADOS> As escavacións diante da igrexa de San Bieto en Cambados atopan a estrutura da antiga escaleira frontal cara a praza de Fefiñáns. Con este achado, concello e investigadores confían en que patrimonio cumpra a súa promesa e acepte o proxecto de restauración das escalinatas. De ser aprobado, o muro se retrasaría ata a súa posición inicial e o acceso á igrexa dende Fefiñáns quedaría só por estes chanzos frontais.
O proxecto de remodelación da Praza de Fefiñáns é posible que se remate tal e como desexaba o concello de Cambados, coa restauración da antiga escaleira frontal da igrexa de San Bieito. Esta restauración é agora máis posible grazas a que as escavacións atoparon a estrutura da antiga escalinata.
Unha vez rematada a fotometría, o concello enviará un informe a patrimonio para que a administración acepte a obra de restauración da escaleiras. Segundo o concello, patrimonio comprometeuse a aprobar este proxecto se aparecía a estrutura das escalinatas.
No que caso de que sexa aprobado por patrimonio, o proxecto consistirá en retrasar o muro ata a súa localización inicial, antes de 1970. A escaleiras laterais desaparecerían e só quedaría a escalinata frontal.
Os traballos continuarán ao longo desta semana. As escavacións centrarase agora nos laterais da estrutura da escalinata buscando novos avances.
