A CIG convoca ás traballadoras do Servizo de Axuda no Fogar a unha folga indefinida contra o preacordo de convenio

PONTEVEDRA> O Servizo de Axuda no Fogar irá á folga indefinida. O sindicato CIG- Servizos anunciou a convocatoria a partires do 2 de novembro. Unha mobilización coa que pretenden manifestar o rexeitamento ao preacordo de convenio asinado por Comisións Obreiras e UXT coa patronal. O documento, aseguran dende a CIG, supón condenar á precariedade ás traballadoras do servizo.

As traballadoras do Servizo de Axuda no Fogar están chamadas a unha folga indefinida a partiers do 2 de novembro. A convocatoria faina o sindicato CIG-Servizos, para amosar o rexeitamento ao preacordo do convenio asinado por Comisións Obreiras e UXT.

Explican dende o sindicato que no documento asinado o pasado 20 de outubro a patronal propuxo crear unha dobra escala salarial con dúas táboas. Algo que, aseguran dende a CIG, provocará importantes diferenzas entre as traballadoras.

Outro punto de desencontro é o relativo aos desprazamentos. O preacordo contempla un incremento dos 0,19 céntimos actuais aos 0,22 por quilómetro. Contía que non cobre os custos de combustible.

Ademais da convocatoria de folga indefinida, o sindicato organizará para mañá xoves concentracións nas catro provincias galegas. Tamén se farán asembleas para informar ás traballadoras, unha delas será en Vilagarcía.

DEIXAR UNHA RESPOSTA

Por favor, engade un comentario!
Por favor, engade o teu nome aquí