A POBRA> As intensas chuvias deses días arrastraron ata o mar unha densa capa de lodos. Un dos bancos máis afectados é o dos Raposiños, na Pobra, onde os mariscadores traballaron duramente para retirar a maior cantidade posible dos restos procedentes do monte queimado.
A contrarreloxo. Así traballaron os mariscadores da Pobra para retirar os restos de cinza que a chuvia arrastrou ata a praia dos Raposiños antes de que subira a marea.
Unha capa de sedimentos de máis de 50 centímetros de espesor cubriu o principal banco da confraría pobrense.
O concello achegou un tractor e unha pá escavadora para axudar na retirada destes lodos que, din, están directamente relacionados cos lumes do pasado mes de agosto.
Ante esta situación fan un chamamento á Xunta para habilitar máis medios e, sobre todo, adoptar medidas de prevencións na superficie forestal afectada polos lumes para minimizar as riadas.