POBRA> Os restos óseos, aparentemente humanos, foron atopados entre a maleza por un veciño que paseaba cos seus cans nun pinar próximo ó alto de Cabío.
Ata o lugar desprazáronse efectivos da Policía Xudicial da Garda Civil de Noia que se encargaron de retiralos e envialos a analizar ó Instituto de Medicina Legal de Galicia de Santiago.
O informe do Imelga determinará se realmente son humanos. Se o foran, abriríase unha investigación para tratar de identificar a súa pertenza.
Todo apunta a que si. Dáse a circunstancia de que na zona en 2008 desaparecera un octoxenario do que nunca máis se soubo do seu paradoiro.
Durante días familiares, amigos e persoal de Protección Civil estiveran a buscalo pola zona, pero nunca foi localizado.
