RIBEIRA> Éxito do Xantar do Maior de Ribeira. Preto dun milleiro de persoas participaron na cita festiva celebrada este domingo no pavillón da Fieteira. Ademais dun menú servido por Chicolino disfrutaron dun baile amenizado por Mar Davila.
A xornada comezou cunha misa solemne na igrexa de Santa Uxía como paso previo á comida que se celebrou no pavillón da Fieteira. As amplas instalacións do complexo deportivo case quedaron pequenas para acoller ós centos de asistentes, preto dun milleiros, que retomaron con ganas esta xuntanza que levaba dous anos sen celebrarse por mor da pandemia.
Precisamente, as autoridades presentes, entre elas o alcalde Manuel Ruíz, e o xerente do Consorcio Galego de Igualdade e Benestar, Perfecto Rodríguez, destacaron o merecido desta homenaxe ós maiores, un dos colectivos máis golpeados pola covid. Ademais dun recordo a aqueles que perderon a vida por mor da enfermidade, quixeron tamén recoñecer o labor de persoal sanitario, de servizos sociais ou de seguridade que traballaron e seguen a traballar polo benestar da terceira idade.
Tralo xantar, servizo polo restaurante Chicolino, tivo lugar un sorteo de agasallos doado polas empresas Frinsa e Congalsa. A xornada pechouse co baile amenizado pola cantante Mar Davila.
