NOIA> Noia Histórica organiza mañá unha nova edición, e xa van doce, do ‘Sábado Negro’.
Na proposta comercial, xa un habitual da programación da patronal noiesa por estas datas, participarán máis de trinta establecementos que aglutinan a distintos sectores. Os negocios ofrecerán tódolos seus produtos cun 20% de descontos.
Unha das principais novidades deste ano será o reparto de tickets entre os clientes que poderán acceder posteriormente a unha chocolatada.
Coa proposta volve a colaborar o Concello, de onde animan á veciñanza, non só do municipio, senón tamén de fóra, a achegarse mañá á vila para facer as súas compras.
O horario de apertura das tendas ese día será ata as nove e media da noite.
