RIBEIRA> Os locais do Ateneo Valle-Inclán foron o lugar escollido polo Partido Galego para celebrar a súa asemblea na que se elixiu ó novo secretario local da formación, un cargo que recae una figura de Moisés Domínguez.
No acto tomaron parte tamén o presidente e secretario xeral do partido a nivel galego, Xosé Mosquera e Maxi Vázquez, respectivamente.
Nas súas intervencións os dous incidiron na importancia de que a formación vaia adquirindo peso na política actual galega.
O novo secretario local Moisés Domínguez fixo alusión a cal será o principal obxectivo da formación, que non é outro, segundo el, que construír unha Ribeira mellor.
Domínguez esbozou tamén parte das liñas do programa do partido de cara ás vindeiras eleccións municipais. Así aludiu a proxectos importantes como a construción da nova biblioteca municipal, a residencia de maiores ou o remate da estación de autobuses.
Tamén falou da necesidade de mellorar o centro de saúde e apostar polas parroquias.
Nas próximas semanas ten previsto manter unha serie de reunións por todo o Concello para escoitar de primeira man as principais necesidades dos veciños, para poder incluílas posteriormente no programa electoral de cara ás municipais de maio.
