BARBANZA> O presidente da Deputación da Coruña, Valentín González Formoso, presentou o orzamento do organismo provincial para o vindeiro ano 2023. A súa contía ascende a uns 207’2 millóns de euros, o que supón un 9,4% máis que a do último exercicio.
Aproveitou a súa intervención para facer balance tamén do conseguido nestes anos á fronte do goberno provincial, nun contexto socioeconómico, segundo el, do máis complexo das últimas décadas marcado pola pandemia e as consecuencias inflacionistas da guerra de Ucraína.
Entre os seu logros estes anos destacou a forte aposta pola creación de emprego e a axuda a pequena e mediana empresa da provincia, sen esquecer tampouco as políticas sociais.
Este próximo venres serán sometidos á súa aprobación por parte dos membros da corporación provincial.
