NOIA> A Xunta de Galicia investirá preto de 3 millóns de euros na mellora da depuradora de Noia. O Consello da Xunta dou luz verde a esta actuación que podería estar en marcha xa a principios do próximo ano.
Augas de Galicia financiará integramente a reforma e mellora da capacidade da EDAR de Noia, a través dun convenio co concello que será o encargado do mantemento e explotación da depuradora, unha vez acometidas as melloras.
A actuación contará cun investimento de case tres millóns de euros que permitirá optimizar o rendemento da planta así como a instalación de novos equipos de desinfección máis deficientes poñendo fin ós problemas de vertidos que viña rexistrando. Contempla ademais unha serie de melloras non só a nivel técnico senón tamén estrutural cunha intervención no propio edificio e na cuberta.
Unha vez autorizado o investimento no Consello da Xunta celebrado esta mañá, a intención da administración autonómica é licitar a actuación antes de fin de ano co obxectivo de poder iniciar as obras en 2023. Contan cun prazo de execución de 13 meses.
