POBRA> As concellerías de Cultura e de Mocidade aliáronse para ofrecer unha alternativa de ocio á veciñanza nesta Noitevella.
Ás doce e media da noite do 31 dará comezo a gran festa de Aninovo nunha carpa instalada na praza Alcalde Segundo Durán con cotillón, animación musical e unha barra a cargo de hostaleiros da vila.
A entrada será de balde polo que os interesados en asistir só teñen que achegarse ata a festa con ganas de recibir o 2023 cunha festa rachada.