VILAGARCIA> A asociación de comerciantes Zona Aberta de Vilagarcía entregou os premios aos tres gañadores do seu sorteo de nadal. En total, a asociación repartiu 3 mil euros en vales compra para gastar nos comercios asociados. A gañadora do primeiro premio foi Mari Carmen Rietz coa compra dun agasallo para o seu neto na tenda Koala Vila.
O pasado domingo, Zona Aberta poñía o punto e final á súa campaña de nadal co sorteo de 3 mil euros en vales compra. Repartidos en tres premios diferentes, a asociación de comerciantes de Vilagarcía repartiu este mércores os agasallos entre os tres gañadores. A premiada coa máxima recompensa, 1500 euros, foi Mari Carmen Ritz, que fixo a súa compra na tenda Koala Vila.
O segundo premio, 1000 euros en vales compra, foi para María Santarmía coa súa compra en Alqo Can.
E o terceiro premio, valorado en 500 euros, foi para Nerea coma súa compra na Libraría Arosa. A súa tía recolleu o premio.
Os agraciados xa pensan en que gastar os vales compra dos premios.
A campaña de Nadal tivo un gran éxito en Vilagarcía. Numerosas persoas se animaron a facer as súas compras no comercio local e participar nesta promoción.
A campaña realízase nun momento clave para as vendas dos comercios. Esta promoción axudou a que os comerciantes salvaran un nadal no que temían que se reducira o gasto.
Zona aberta continuará realizando máis campañas para premiar aos seus clientes. Mentres os comercios xa están somerxidos noutro momento clave para as súas vendas como son as rebaixas.