A POBRA> No marco do programa de alfabetización dixital, o concello da Pobra porá en marcha un curso de competencias para o emprendemento. Está dirixido a mulleres de entre 18 e 65 anos interesadas en montar o seu propio negocio.
Tralo éxito dos primeiros cursos de alfabetización dixital, a concellería de Promoción de Emprego e Igualdade da Pobra pon en marcha un curso de Competencias Dixitais Básicas para o Emprendemento dirixido a mulleres desempregadas.
O curso dará comezo o próximo 7 de febreiro. Impartirase de luns a venres en horario de mañá na ala de estudo da biblioteca.
As interesadas en inscribirse ou obter máis información poden facelo no departamento de Igualdade do concello ou enviando un correo a info@mullerdixital.gal. O número de prazas está limitado a 20.
