A POBRA> O concello da Pobra impartirá un obradoiro para coidadoras de persoas dependentes. O obxectivo é abordar a sobrecarga que implica o labor de coidar dende un punto de vista psicoeducativo. As sesións serán os luns en horario de tarde.
Coidar ás coidadoras. Este é o obxectivo do obradoiro que vai poñer en marcha a concellería de igualdade da Pobra ata o día 6 de marzo. Estará impartido polo servizo de psicoloxía do concello co fin de previr ou minimizar a sobrecarga xerada polo labor de coidar a persoas dependentes.
As interesadas en participar xa se poden inscribir no departamento de igualdade. Ofertaranse 10 prazas.