RIBEIRA> O BNG de Ribeira denunciou un novo incremento do sobrecusto do auditorio. O orzamento inicial da obra ascendía a dous millóns e medio de euros pro na actualidade o investimento necesario para a súa execución rolda xa os 5 millóns.
O anuncio da licitación das butacas para o novo auditorio de Ribeira por máis de 300 mil euros desatou as críticas do BNG que denuncia como segue a dispararse o sobrecusto desta obra que xa duplica o orzamento inicial.
Denuncian os nacionalistas que non se trata dun caso illado senón que son moitas as obras que sofren paralizacións durante a construción para introducir modificacións que elevan os custos de xeito alarmante.
Responsabilizan desta situación á nefasta xestión por parte do goberno municipal, do que din, amósase incapaz de executar en tempo, forma e orzamento as obras que eles mesmos proxectan.
