A remodelación do porto de Palmeira abre a vila ó mar

RIBEIRA> A presidenta de Portos de Galicia visitou  o porto de Palmeira onde se está a desenvolver a primeira fase de remodelación da fachada marítima. Esta actuación, cun investimento de 700 mil euros, busca abrir a vila ó mar eliminando as barreiras visuais que existían ata o de agora.

A colaboración entre Portos de Galicia, o concello de Ribeira e a Fundación Ría permitiu que o anteproxecto realizado por esta última para a humanización da parroquia de Palmeira vaia tomando forma.

Na actualidade, están en marcha as obras de remodelación porto, na zona do paseo marítimo,  que afecta a un treito de 400 metros liñais.

Tras esta primeira fase, que previsiblemente estará concluída antes do verán, acometerase unha actuación na zona interior presupostada en 1’7 millóns de euros.

DEIXAR UNHA RESPOSTA

Por favor, engade un comentario!
Por favor, engade o teu nome aquí