RIANXO> Vinte anos despois da súa retirada, a Guadalupe de Asorey volveu a Tanxil. O concello de Rianxo celebrou un acto multitudinario para inaugurar a escultura que contou coa presenza de numerosos veciños, autoridades e o Conselleiro de Cultura.
Houbo que agardar máis de dúas décadas para que a escultura da Vrixe da Guadalupe volvera a presidir a praia de Tanxil como un dos elementos máis emblemáticos da paisaxe rianxeira. A peza, obra do escultor Francisco Asorey, fora retirada do seu emprazamento no ano 2005, por decisión dos herdeiros da familia Baltar, propietaria da escultura, ante o risco de desprendemento que presentaba a zona de cantís onde se emprazaba.
Centos de veciños participaron no acto de inauguración da escultura, xa restaurada e emprazada no seu pedestal, nun día histórico e emotivo para Rianxo.
A propia neta do escultor destacou a importancia de que este símbolo de Rianxo volve estar no lugar para o que foi concibida.
