BOIRO> O concello de Boiro dá un paso máis na dixitalización dos seus recursos. Os visitantes poderán descargar información a través de códigos QR instalados nos principais puntos turísticos do municipio. Darán acceso tamén a audioguías en catro idiomas.
O concello de Boiro está a traballar na dixitalización dos recursos turísticos a través dunhas guías que se poderán descargar mediante códigos QR.
Os códigos instalaranse nos principais puntos de interese cultural, histórico e paisaxístico e darán acceso a información completa sobre o recurso a visitar así como a audioguías en catro idiomas.
O concelleiro de Turismo indicou que a confección das guías estará rematada no prazo aproximado dun mes e, a continuación, procederase á instalación dos paneis cos códigos QR nunha quincena de espazos emblemáticos do municipio.
