MEIS> Comeza a brotación nos viñedos das rías baixas. O inicio desta etapa continua adiantándose cada ano o que obriga a acelerar os procesos de poda. O risco de facelo tan cedo é que unha xeada podería afectar ao seu crecemento.
Nos viñedos das rías baixas xa se poden ver pequenas follas. Esta vexetación indica o comezo da etapa de brotación. A viña comeza o seu ciclo de vida.
A brotación continúa adiantándose cada ano, o risco que ten este feito é que aínda estamos en época de xeada.
Nesta época comezan a realizarse os primeiros traballos como o control da vexetación do chan pero tamén poden chegar a darse os primeiros tratamentos para evitar enfermidades.
Os traballos do chan poden facerse con total normalidade, o importante nesta época é que os viticultores preparen e limpen as ferramentas que serán necesarias nas vindeiras datas.
