A POBRA> O concello da Pobra conta cun parque canino. Está situado nas inmediacións do paseo do Xobre e componse dun circuíto de axilidade con seis xogos para mascotas.
Xa está en funcionamento o novo parque canino da Pobra. A instalación emprázase no paseo do Xobre, nas inmediacións da praia canina do municipio e consta de seis xogos enmarcados nun circuíto de axilidade.
A actuación supuxo un investimento de 12 mil euros con cargo ó remanente de tesourería de 2021.
A posta en marcha deste parque vén satisfacer unha vella demanda dos veciños que levaban tempo solicitando un espazo para exercitar ás súas mascotas.
