PORTO DO SON> Porto do Son quenta motores para vivir a Semana Santa con máxima devoción. O pregón a cargo do bispo auxiliar de Santiago celebrado este sábado na capela da Atalaia abriu un programa de actos que incorporan importantes novidades.
A Semana Santa de porto do Son recupera neste 2023 a plena normalidade tras varios anos limitada pola covid. As celebracións darán comezo este venres coa misa e procesión na honra da Virxe das Dores.
O domingo pola mañá terá lugar a tradicional Bendición de Ramos na praza de España seguida da procesión da Borriquiña. O calendario de celebracións continúa o martes co Vía Curcis e o xoves coa proceisón do Ecce Homo.
O venres pola mañá escenificarase o Santo Encontro e pola tarde terá lugar o desencravo e porcesion do santo enterro seguido da Soidade. A Semana Santa concluirá o Domingo de Resurrección coa procesión de Xesús Glorioso e o Encontro.
O alcalde de Porto do Son quixo agradecer o labor da confraría da paixón do noso Señor e de tódolos colaboradores que fan posible este amplo abano de celebracións.
Tivo tamén un emotivo recordo para don José Santos, párroco de San Vicente de Noal, falecido en 2016.
