VILAGARCIA> Esqueda Unida propón converter o vello edificio da Finca de Vilaxoán nun centro de día. Dende a formación consideran que Vilagarcía ten orzamento suficiente para afrontar unha operación que roldaría o millón e medio de euros. A nova función do espazo tamén axudaría a descentralizar os servizos de Vilagarcía e potenciar Vilaxoán.
Este vello edificio de Vilaxoán é coñecido como a Finca. Hai dúas décadas era un local hostaleiro moi frecuentado en Vilagarcía e na contorna, pero dende hai anos está totalmente baleiro e abandonado. Dende Esquerda Unida da vila queren darlle unha segunda vida e propoñen que o concello adquira o terreo para convertelo nun centro de día.
Dende Esquerda Unida sinalan que Vilagarcía malgasta moitos cartos en cemento e que se invistan en servizos sociais. O custo podería roldar o millón de euros.
Para a formación, converter a finca nun centro de día tamén suporía descentralizar os servizos de Vilagarcía e axudar a potenciar Vilaxoán.
Dende Esquerda Unida queren crear un centro de día e unha zona para usos múltiples, de maneira que non só sexa utilizado polos veciños de Vilagarcía, se non tamén para que se acheguen persoas maiores dos concellos próximos.
