BOIRO> A piscina da cachada en Boiro será escenario este vindeiro sábado pola tarde da cuarta xornada da Liga Infantil de Natación. A proba, organizada polo club local, o Club Natación Boiro, en colaboración coa Federación Galega de Natación e o propio Concello, participarán ó redor dun cento de nadadores de diversos clubs de toda Galicia.
Estará dirixido a rapaces e rapazas de idades comprendidas entre os 13 e os 15 anos.
Dáse a circunstancia que a competición deste vindeiro sábado será a primeira proba oficial que se celebrará nestas instalacións dende a súa homologación, hai apenas unhas semanas.
Dende o Concello anunciaron que seguirán avanzado na mellora das instalacións, incluíndo a posibilidade de instalar unha bancada que permita a entrada de público ó recinto e poder así disfrutar das competicións.
