RIBEIRA> A Policía Nacional detivo a dúas mulleres acusadas dun presunto delito de estafa. A vítima denuncia que lle subtraeron seis mil euros en varios ingresos mediante Bizum.
Os feitos aconteceron cando o home contratou os servizos das presuntas estafadoras que exercían a prostitución nun piso de Ribeira. Unha vez alí, aproveitando un descoido, unha das mulleres colleu o teléfono da vítima e realizou varios pagos mediante a aplicación móbil dirixidos á conta dun terceiro implicado.
Tras denunciar os feitos, a policía nacional iniciou unha investigación que concluíu coa detención das dúas mulleres que recoñeceron os feitos así como do titular da conta que recibiu os cartos.
