Ana Granja presenta un programa electoral baseado na proximidade e atención á veciñanza de Vilagarcía

VILAGARCÍA> Ana Granja promete proximidade e atención aos veciños no seu proxecto electoral. A candidata do Partido Popular xunto co seu equipo percorreron as rúas da vila para escoitar os problemas da veciñanza. Entre o seu programa atópanse proxectos como un concelleiro do rural, aumentar o investimento nas parroquias, apoiar aos emprendedores ou construír máis aparcadoiros disuasorios.   

A candidata do Partido Popular en Vilagarcía xunto co seu equipo e o presidente provincial da formación percorreron este martes as rúas da vila para mostrar o seu proxecto electoral á veciñanza. Precisamente, esta proximidade é o eixo principal do programa electoral da popular, que avoga por un goberno municipal que escoite os problemas da veciñanza e non que viva de costas a el, como critica que fai o goberno de Alberto Varela.

Dende o Partido Provincial mostran toda a súa confianza en Ana Granja e no seu equipo.

Os populares tamén aseguran que o seu partido se cumprirá por completo, criticando que o goberno actual promete máis do que cumpre.

Os populares defenden que Ana Granja e o seu equipo son a mellor opción para que Vilagarcía avance e o faga na dirección que queren os veciños. Tamén para unha Vilagarcía que creza no seu conxunto sen deixar de lado ás parroquias.