BOIRO> A subdelegada do Goberno na Coruña, María Rivas, presidiu esta mañá en Boiro a xunta local de seguridade. A última celebrada databa xa de 2019.
Antes da xuntanza, asinaba co alcalde, José Ramón Romero, a adhesión do Concello o a ‘Vioxen’, o Programa de Seguimento Integral das Vítimas de Violencia de Xénero.
Segundo explicou a propia Subdelegada a incorporación de Boiro a este programa suporá un paso máis á hora de garantir a seguridade e a protección ás mulleres que son vítimas de violencia de xénero a través do reforzo da colaboración e a coordinación entre as forzas de seguridade do Estado e a Policía Local.
Boiro convértese así no municipio número 22 da provincia da Coruña que se adhire a este programa. Durante a reunión posterior da xunta local de seguridade analizáronse os feitos delituoso destes últimos anos, constatándose que as cifras amosan unha tendencia descendente.
