BOIRO> Boiro afronta seis días de festas que marcan o arranque da tempada estival. Para garantir a máxima seguridade, o concello despregará un dispositivo especial de seguridade en colaboración coa policía local e a Garda Civil.
O pregón desta noite marca o inicio dos festexos máis madrugadores da comarca. Por diante quedan cinco días de celebracións nos que haberá actividades do máis variado, aunando tradición e modernidade nun programa para tódolos públicos.
Co fin de garantir a máxima seguridade durante as celebracións, o concello celebrou unha xunta de seguridade para coordinar o dispositivo que se despregará nestas festas composto por axentes da Policía Local de Boiro, con apoio de Rianxo así como efectivos de Protección Civil e da Garda Civil.
Despregarase ademais un dispositivo especial de limpeza e desviarase o tráfico pesado do casco urbano para evitar problemas co tráfico.
