RIANXO> A maioría dos grupos políticos aproveitan estes últimos días de campaña para multiplicar os seus actos electorais de cara a este vindeiro domingo. É o caso do Partido Socialista que esta mañá estivo repartindo publicidade no mercadiño ambulante de Rianxo.
O número catro do PSOE ás listas do Congreso pola Coruña, Diego Taibo, achegouse esta mañá a Rianxo aproveitando a celebración do tradicional mercadiño ambulante, para participar, xunto co voceiro municipal desta formación, Óscar Rial, nun reparto de propaganda electoral.
Alí falou da importancia que teñen as eleccións xerais deste domingo e do que se xogan os cidadáns nelas co seu voto.
