Comezan as obras para dotar de saneamento e abastecemento de auga ó núcleo de Quintáns

RIANXO> O Concello informou do inicio das obras de saneamento e abastecemento de auga no núcleo de Quintáns, na parroquia de Isorna.

A actuación está a ser realizada pola empresa Mecano Obras y Reformas S.L. por un importe de preto dos 178 mil euros. Irá con cargo ó Plan de Obras da Deputación da Coruña.

Segundo informou o alcalde o proxecto virá a dar servizo a unhas 35 vivendas.

Trátase dunha intervención de gran importancia xa que as casas afectadas conectaranse deste xeito á depuradora existente, eliminándose unha zona de alto risco de vertidos directos á Ría.

Por outra banda a actuación virá a resolver tamén un problema de falla de subministro de auga, que se daba especialmente na época estival.

As obras contan cun prazo de execución de dous meses, polo que dende o Concello confían en que poidan estar rematadas ó final do verán.

DEIXAR UNHA RESPOSTA

Por favor, engade un comentario!
Por favor, engade o teu nome aquí