RIBEIRA> O parque infantil de Arrochela, próximo ó peirao Palmeira, é un dos máis empregados da localidade e dos que maior afluencia de nenos rexistra.
Aínda así dende hai uns meses non se pode utilizar debido ás obras de ampliación do recinto de xogo.
Os país non entenden a tardanza nin os motivos polos que, cinco meses despois dende o inicio da actuación, esta aínda non está rematada, e o parque segue a día de hoxe sen poder empregarse, constituíndo ademais un perigo, xa que moitos nenos seguen accedendo sen permiso ó seu interior.
Dende o Concello informaron de que se trata dunha actuación adxudicada polo goberno anterior.
Ó parecer está pendente da instalación do novo firme, cuxo orzamento destinaron a outra actuación.
Fontes municipais sinalaron que será necesario habilitar agora unha partida específica para tal fin nos novos presupostos municipais.
