A POBRA> O concello da Pobra desenvolverá un amplo dispositivo de seguridade este domingo, día do Nazareno. Celebraranse tres misas solemnes na praza Segundo Durán cunha capacidade máxima de cincocentos asistentes.
Malia que o coronavirus levou por diante a procesión das mortallas, unha das máis antigas de Galicia, A Pobra renderá homenaxe ó Nazareno a través das misas. Haberá tres solemnes o domingo: ás dez, onde e media e unha e cuarto. Celebraranse na Praza Segundo Durán onde se instalará unha carpa e cincocentas cadeiras á que poderán asistir só aqueles que fixeran reserva previa.
Durante a celebración das misas cortarase o tráfico na rúa Día de Rábago. Protección Civil instalará ademais un hospital de campaña para garantir a total seguridade dos asistentes.
Completarán o programa litúrxico as misas que se celebrarán na igrexa ás oito e nove da mañá e ás cinco, seis, sete e oito da tarde.
O programa festivo completarase ademais con diversas actuacións musicais. A primeira a cargo de Broken Peach o venres pola noite no Cantón da Leña. O sábado a mediodía Millo Miudo animará os xardíns Valle-Inclán mentres que a partir das oito e media da tarde haberá unha ruada con Arrancadeira, os Caraveiros e Trécola. O grupo ‘Puzzle’ actuará no Cantón da Leña ás nove e media.
Boa tarde, amigas/os do Canal Rías Baixas!
As “carpas” en galego son uns peixes moi famosos que, esperemos, non se presenten na praza Maior da Pobra (praza onde se vai instalar un toldo enorme para o público do Nazareno) e queden no seu medio acuático natural.
Unha aperta e grazas pola vosa atención