NOIA> Un ano máis, como é habitual no mes de agosto, chega unha nova edición do NoiaJazz. A actividade organizada pola concellería de Cultura e baixo a dirección do músico local Kin García desenvolverase do 10 ó 13 de agosto.
Mañá abrirán o Festival Dumrrá Trío e Gabi Triana Cuarteto e o venres actuarán Iago Fernández Sexteto e Jesús Bachiller Sexteto.
O sábado subirán o escenario Antonio Serrano e o propio Kin García para realizar unha homenaxe a Toots Thielemans.
Ese día tamén terá lugar o espectáculo Fredoom.
O sábado pola mañá celebrarase tamén no Teatro Coliseo Noela unha masterclass de improvisación a cargo do propio Antonio Serrano.
Tódolos concertos terán lugar ás nove e media da noite na praza da Constitución.