POBRA> A praza do Emigrante será escenario do 12 ó 14 de agosto dunha nova edición da proposta ‘Comercio na rúa’ que promove a concellería de Promoción Económica.
Na actividade participarán un total de cinco tendas da localidade, pertencentes na súa maioría ó sector da moda, que poñerán eses días os seus produtos á venda aproveitando o bo tempo e a afluencia de xente nesta época estival.
Coma novidade este ano, o sábado, a partir das nove da mañá, impartirase formación teórico-práctica sobre márketing visual a cargo de persoal especializado.
O horario de apertura das tendas será ininterrompido de once da mañá a once da noite.
Na xornada do domingo, a partir das nove e media da noite, contarase coa actuación en directo da música local Alba Fernández.
