BOIRO> Un proxecto promovido polo Foro Ecolóxico de Boiro e o IES A Cachada propiciará a instalación de cabicheiros nas principais rúas do municipio. O concello colabora con esta iniciativa para favorecer a concienciación ambiental entre a cidadanía.
A crecente preocupación pola acumulación de lixo no medio natural, especialmente en residuos de difícil desintegración como as cabichas, levou ó Foro Ecolóxico de Boiro a promover este proxecto de educación ambiental. O proxecto estendeuse ós centros de ensino, concretamente ó instituto da Cachada, onde os alumnos deseñaron tanto os cabicheiros como os trípticos informativos que se veñen de instalar nas principais rúas do municipio.
O concello colabora con esta iniciativa co fin de esperar a conciencia ambiental dos cidadáns apostando por un Boiro máis limpo.
