RIBEIRA> O concello de Ribeira vén de obter o distintivo ‘Compromiso de Calidade Turística’ que recoñece o esforzo realizado polos diferentes servizos turísticos do municipio. Foron tres as instalacións recoñecidas: a praia de Coroso, a oficina de Turismo do Malecón e o Museo de Artes do Gravado.
Dende esta mañá xa loce en varios puntos de Ribeira o distintivo de ‘Compromiso coa calidade turística’. Concretamente na praia de Coroso, na oficina de Información Turística do malecón e no museo de artes do gravado á estampa dixital. Ten unha vixencia de dous anos aínda que está suxeito a unha avaliación anual para garantir o cumprimento dos requisitos.
Ademais de proporcionar un sistema de xestión de calidade integral do destino turístico, este distintivo recoñece o esforzo pola posta en valor dos recursos turísticos a través de tódolos axentes implicados.
