NOIA> Noia Histórica celebrou esta fin de semana a súa Feira do Comercio para despedir a tempada de rebaixas. Unha quincena de establecementos sacaron os seus artigos á rúa, nos postos instalados nunha carpa na alameda.
Á espera de realizar un balance definitivo, todo apunta a un notable éxito de vendas ante os numerosos visitantes que se deixaron caer pola feira ó longo de toda a fin de semana.
Ademais de atopar interesantes descontos sobre todo en moda e calzado, os asistentes tiveron ocasión tamén de degustar produtos gastronómicos e diversas variedades de cervexa.
